1967-1974.

1967

Që nga Transporter-i i parë janë prodhuar 1.800.000 të tillë. Shitja e shkëlqyer e Transporter-it si më parë është rrjedhojë e vendimit të mençur të bordit drejtues: Në momentin e duhur, në mes të "fundit" të ekonomisë gjermane, në treg doli pasardhësi i modelit të suksesshëm - automobil shumë më modern, më i bukur dhe shumë më i sigurt që me një goditje e bëri paraardhësin e tij të shitur 1.800.000 herë të duket i vjetër. Nëpër xhamin e përparmë, tani të pandarë dhe në një masë të madhe të rrumbullakosur, dhe dritaret tërësisht të zmadhuara, hyn shumë më shumë dritë në brendësi të automjetit, dhe në këtë mënyrë sigurisht u përmirësua dukshmëria për shoferin dhe bashkudhëtarët.

Bulli ende është automjet i lehtë me 1175 kg (van). Me kalimin e viteve, ai bëhet gjithnjë e më i rëndë, meritë e teknologjisë komplekse dhe kërkesa për siguri pasive. Edhe vetë Bulli është rritur, nga jashtë vetëm për pak më shumë se 20 cm, por në brendësi, hapësira e disponueshme, me shpërndarjen më të mirë të hapësirës, u rrit ndjeshëm.

Mbrapa në bazë ka derë rrëshqitëse, ndërsa edhe kapaku i pasmë u zmadhua ndjeshëm. Por, pjesa më e madhe e ndryshimeve të përhershme janë fshehur nën llamarinë: Boshit i pasmë është dizajnuar me bosh dynyjesh i vendosur pjerrtas dhe i përmirëson në mënyrë drastike karakteristikat e Bulli-t. Boshti i përparmë tani ka mbështetje më të mirë, frenat rrethore të dyfishta e theksojnë nevojën për sigurimin e sigurisë gjatë drejtimit të automobilit për udhëtarë. Gjithashtu u rrit dhe komoditeti: ndenjëse më të mira, ventilim më i mirë dhe një bollëk përmirësimesh në detaje. Motori më i fuqishëm me 35 kW e bën vanin me 110 km / h të shpejtë. E vetmja gjë negative: Volkswagen nuk kërcen më Samba - rreshti shtesë i dritareve në pjesën e lakuar të çatisë, me ndryshimin e modelit, i takoi të kaluarës. Së paku, ky variant i Bullit është tani objekt koleksionimi. Rekordi prodhues në gjysmëkontinetin e Amerikës të Jugut: "Volkswagen do Brasil, Volkswagen brazilian i 500.000 doli nga montimi final. Sigurisë do t'i kushtohet një vëmendje e veçantë. Të gjithë automjetet do të porositen me timonë të ri më të sigurt.


1968

Është prodhuar Transporter-i 2.000.000.

Në moshën 69 vjeçe, më 12 prill të vitit 1968 vdes d-r Hajnrih Nordhof. Me të në mënyrë të pandarë lidhen përparimi dhe suksesi i Volkswagen-it në gjithë botën. Pasardhësi i tij është d-r Kurt Lotc, i cili në vitin 1967 u emërua si zëvendës drejtor ekzekutiv.

1969

Volkswagen AG blen truall për ndërtim fabrike në Salcgiter. Që nga viti 1970, këtu vazhdon prodhimi i automobilit të zhvilluar nga NSU me emër К 70, për herë të parë me fuqi motorike në rrotat e përparme dhe me ftohje me ujë, prodhimi fillon në shkurt të vitit 1975. Sot fabrika në Salcgiter është furnizuesi kryesor i të gjithë motorëve me ftohje me ujë të gjeneratës të re të Volkswagen-it.

1970

"Volkswagen do Brasil prodhon Volkswagen 1.000.000.

1971

Motor i ri i rrafshët 1,7 litra, vëllim 1679 ccm, fuqi 49 КW (49 kW) me 4.800 rrotullime në minutë. Është prodhuar Transporter 3.000.000.

1972

Bashkë me importuesin gjeneral të Volkswagen-it, fabrika UNIS Volkswagen AG në Sarajevë, Jugosllavi, themelon "TAS Tvornica Automobila" Sarajevë si kompani montuese për Volkswagen-in.

1973

Themelimi i "Volkswagen of Nigeria Ltd.", Lagos / Nigeri

1974

Mbas pothuajse 30 vjet histori prodhimi në Volfsburg, një epoke i vjen fundi, në të cilën si asnjëherë deri në atë moment në historinë e automobilit, prodhimi u barazua me punën dhe historinë. Volfsburg ishte "Käferstadt". Me Bubën e 11.916.519 të prodhimit në Volfsburg, përfundon prodhimi në fabrikën kryesore. Buba ende vazhdon të prodhohet në Emden, Bruksel dhe përtej oqeanit. Sasia ditore është afërsisht 3.300 në të gjithë botën.

Golfi bëhet pasardhës i Bubës. Me konceptin e vet teknik të ri që në fillim, ai do të jetë sukses dhe lider në numrin e automjeteve të regjistruara në statistikën automobilistike gjermane. Me Golfin, i cili u prezantua në presin në maj, Volkswagen formoi klasë të re automobilistike. Volkswagen lançoi në treg automjet komplet ndryshe nga dizajni tradicional, i cili në kohën e shfaqjes të tij është po aq i pazakontë dhe progresiv sa Buba në kohën e vet. Me të Volkswagen-i përsëri pati sukses me konceptin e automobilit të suksesshëm.

Në Brazil ndërtohet fabrika Taubate. Fillimi i prodhimit është parashikuar në mesin e vitit 1975. Mbas përfundimit të repartit të ri, kapaciteti ditor i "Volkswagen do Brasil" është 2.500 automjete.