1947-1955.

1947

Rastësia e shkroi historinë automobilistike: Kur importuesi holandez Ben Pon në prill të vitit 1947, kaloi nëpër fabrikën e Volkswagen-it në Volfsburg, ai hasi një automobil më shumë se të zakonshëm. Atë e kishin ndërtuar disa punëtorë të Volkswagen-it që ta lehtësojnë pak transportin e pllakave të rënda nga salla në sallë. Pak më vonë, më 23 prill, përshtypja menjëherë u kristalizua në ide. Në bllokun e tij Ben Pon skicoi një automobil, i cili deri tani ende nuk gjendej në botë, automjet me fuqi motorike në boshtin e përparmë me motor të vendosur në pjesën e pasme, dhe konstrukt në formë kutie.

Skica ishte sinjal për startin e prodhimit të milionave automjeteve: Volkswagen Transporter-i. Meqë e mbushi - shumë kohë para se të gdhendej fjala e duhur për të - gropën tregtare, të cilën e krijoi lufta e Dytë Botërore në Evropën Qendrore dhe e cila me ekonominë gjithnjë e më dinamike, në asnjë mënyrë nuk duhej të ulej. Automjete transporti të thjeshtë, të fortë, të lirë për prodhim dhe argëtues, me fleksibilitet të lartë ishte ajo që pritej në treg. U bë e qartë se çudia ekonomike, në fillim modeste, por artizanët dhe kompanitë e vogla, tregtarët e shitjeve me pakicë dhe ndërmarrjet e mesme e kërkonin pikërisht atë, që si skicë u hodh në bllokun e vogël të Ben Pon-it.

Nuk dihet saktësisht nëse ishte e lehtë të binden inxhinierët në Volfsburg të përfshihen në këtë rrezik. Pen Pon ishte këmbëngulës dhe mundi ta bind Hajnrih Nordhof. Ai, jo pa skepticizëm, e vuri në mendime departamentin e vet për konstruim. Dhe prototipi i Transporter-it, pak kohë më vonë mori formë.

1950

Prototipi paksa i rrumbullakosur, i cili në nëntor të vitit 1949 në fabrikë mbas dyerve të mbyllura e festoi premierën, menjëherë mori pseudonimin: "Bulli". Por, kur më 8 mars të vitit 1950 në repartin kryesor filloi prodhimi në seri të njërit prej automobilave më të suksesshëm në histori, emri i tij u bë pseudonim. Transporter-i përdor motor dhe akse të Buba-s, por privohet nga shasia me zgarë të vendosur në qendër. Në vend të saj ka vetëm karroceri mbajtëse, që mbështetet tek konstrukti kryesor. Pesha e lejuar 750 kg.

Motori ka vëllim 1131 ccm, fuqi prej 18 KW me 3300 rrotullime në minutë. Autobusi Volkswagen mund të transportoj deri në tetë persona, me disa hapa të thjeshtë dy rreshta e fundit të ndenjëseve mund të rregullohen për mbajtje ngarkese. Prodhimi në seri fillon më 8 mars me dhjetë automjete në ditë. Kjo gjeneratë e parë transporterësh do të prodhohet deri në vitin 1967.

1951

Është prezantuar autobusi Samba. Ai përdoret vetëm për transport pasagjerësh. Dy nuanca ngjyrash, çati që mblidhet tub. Shumë krom dhe 21 dritare këtu përbëjnë standard të ri.

1952

Do të prezantohet Patari i cili deri më sot mbetet partner ideal në ndërtim, dhe për shumë ndërmarrje zanatçinjsh. Poshtë konstruksionit dhe ceradës të patarit ka 4 qm hapësirë për ngarkesë. Patari me kabinë dyshe do të prezantohet në vitin 1958.

1953

Në 23 mars është themeluar "Volkswagen do Brasil S.A.", Sao Bernardo do Campo në Sao Paolo. Ajo zhvillohet për një kohë të shkurtër në degën e huaj më të rëndësishme. Në fillim, në Sao Paolo Volkswagen u montua nga pjesë të prodhuara në Gjermani. Gjendja devizore në shtetin sud amerikan e detyruan kompaninë, shumë shpejt, të prodhoj pjesë direkt në Brazil. Meqenëse për një gjë të tillë nuk ka kushte, fabrika e Volkswagen-it motivoi partnerë gjermanë të industrisë të angazhohen dhe në Brazil, dhe ashtu ta vazhdojnë bashkëpunimin pozitiv. Kjo iniciativë biznesi kontribuon për një angazhim social dhe ekonomik me përmasa domethënëse, që kontribuon ndjeshëm në rimëkëmbjen e ekonomisë braziliane.

1954 - Vendimi për Hanover-in

Katër vjet më vonë në Volfsburg doli nga prodhimi Volkswagen Transporter-i i 100.000. Ai ishte një automjet komercial universal i jashtëzakonshëm - që atëherë kishte 30 modele të ndryshme, nga autobusi, kombe e deri tek patari. Dhe tashmë ishte bërë e qartë se duhet të ndërtohet fabrikë vetëm për të, nëse nuk do të donin të fundoseshin në suksesin e tyre në Volfsburg. Vetëm me masa urgjente u rrit prodhimi i Transporter-it. Prodhimi ditor është rreth 80 automjete. Hajnrih Nordhof vendosi ndërtimin e "Fabrikës vetëm për Transporterë".

1955

Lokaliteti i ri u gjet shpejt: Hanover. Më 24 janar 1955 u mor vendimi për ndërtimin e fabrikës të re. Pesë javë më vonë, më 1 mars të vitit 1955, "Mister Volksvagen", profesor d-r-ing. Hajns Hajnrih Nordhof, personalisht e vuri gurin themel.

Filloi një kapitull i ri në historinë automobilistike.